O le Aso Lua o le vaiaso asau o le a faailoa ai se faaiuga a le Fofoga Fetalai o le Palemene i se isi faitioga mai se sui faipule faasaga i se isi faipule ua taunuu atu i lona ofisa.

E ese ai le faitioga tusitusia lea mai le faitioga a le faipule o Gagaemauga Numera Muamua o le a folasia i le Palemene se latou lipoti i le Aso Lua foi o le vaiaso fou. Ua faailoa e le Fofoga Fetalai i le Palemene i lana tauaofiaga i le vaiaso nei, ua ia tuuina atu le kopi o le faitioga lona lua ua faaoo atu, i le sui faipule o loo aafia ai mo sana tali.

Ua lē faailoaina e le Fofoga o le fono poo ai sui faipule o loo aafia ona o aiaiga o tulafono tumau o loo tausia ai le mamalu o le Palemene.