Tapena ma tautuana le saogalemu i luga o auala i lenei long weekend 

Afai o tapena asiasiga poo tafaoga o lenei long weekend mo le Matariki, o le fautuaga ia lava le taimi e tapena ai. 

Mai le matagaluega a le soifua maloloina i tagata o le a feoa’i ia iai se tapenaga ina ne’i maua se isi i le Koviti ma moomia ai le faanofoesea. 

Ae mai le pulega a le Waka Kotahi faatasi ma leoleo, ia tapena mo fesuia’iga o le tau ma tautuana le saogalemu i luga o auala i taimi e ono poloka ai. 

Mai le Waka Kotahi e lē misi nei foi ma le poloka o auala i le asō, ma e tatau ai ona lava le taimi e tapena ai. 

Mai leoleo o le a faaopoopo leoleoga a sui o le ofisa i luga o auala i lenei weekend, ma o le talosaga ua tuuina mai e le ofisa ua sau ai ma le faamanatu i le faigata ma le tiga o le faalavelave na maliliu ai le to’afitu i le amataga o le vaiaso nei i Picton, ese ai le to’alua o loo tigaina pea nei i le falema’i. 

O fautuaga ma lapata’iga ua tuuina mai a o sauni ai Niu Sila e faamamalu lana ulua’i aso mālōlō faapitoa mo le Matariki. 

Scroll to Top

Keep uptodate with Radio Samoa activity & promotion

* indicates required