O le motu tele i Salafai o le a faagasolo ai le fonotaga a le Malo o Samoa ma Amerika Samoa poo le Atoa o Samoa i le vaiaso nei.
E pei ona faailoa mai i lipoti a le televise faasalalau a le Malo o Amerika Samoa KVZK, o loo ua faimalaga mai le Afioga Kovana Sili, Lemanu Palepoi Sialegamauga ma lana aumalaga e usufono.
O se tasi o vaega o le fonotaga lenei o le a maua ai avanoa e asia ai e le auusufono nisi o atinae a le Malo o Samoa e aofia ai ma se fonotaga a le Afioga i le Palemia, Fiame Naomi Mata’afa ma le Kovana Sili ia Lemanu.
O nisi o mataupu o le a talanoaina i lenei faamoemoe e aofia ai le itu tau alamanuia, puipuiga o tuaoi, femalagaa’iga, fefaatauaiga, soifua maloloina, aafiaga o loo aafia ai le siosiomaga ma nisi.
O le tausaga ua mavae sa talimalo ai Samoa i lenei fonotaga ma faatautaia ai i le faletalimalo a le Taumeasina ona talimalo ai lea o Amerika Samoa i le isi fonotaga ia Aperila.
