Ua tapena se tasi o aumalaga tele a le malo, ma e auai ai ma le alii Palemia mo Initia e faimalaga i le vaiaso a sau nei.
Faailoa e Christopher Luxon i le aso ananafi e fā aso o lea faigamalaga ma o le a ia tuua le atunuu mo Initia i le Aso Toonai.
Faamauina ao iai i Initia o le a maua ai le avanoa e talanoa ai ma le Palemia o Initia i itu tau fefaataua’iga ae ma puipuiga.
O Initia lava foi na polomisi mai ai Luxon i le palota o le 2023 o le sainia ai le isi maliega saoloto mo fefaatauaiga ma Initia, ma o lea lava o loo faasolo feutanaiga.
E na o le 1.5 pasene le tauaofai o oloa o loo avatu i le, maketi a Initia mai Niu Sila o lea lava e unai fefaatauaiga faia I le va o atunuu e lua.
Ta’ua e le Palemia e le o faigofie ona e le i faapea na iai muamua ni maliega tau fefaatauaiga a Niu Sila ma Initia.
Ao unai malie ai e Niu Sila fefaatauaiga I le va ma Initia, e ui lava i talitonuga o Luxon e tulaga tutusa talitonuga o Niu Sila ma Initia, e tasi le itu o loo popole iai o le taua i Ukraine lea lava e le o manino poo Lusia poo Ukraine lea o loo tu ai Initia.
Ae mai ia Luxon, poo le a lava le itu e oo iai talanoaga ma le taitai o Initia, o le a faamanino lava iai e le suia ai le itu e lagolago e Niu Sila, ma e tu lava Niu Sila mo Ukraine.
Puna o Faamatalaga: http://Christopher Luxon announces India trip | RNZ News
