Ua faasolo nei tapenaga ma fuafuaga a le alii fusu Samoa o loo aumau i Ausetalia le alii o Jai Opetaia mo se tasi o ana fusuaga tele le World Title i le tausaga fou.
O lea fusuaga na ripotia e le Niusipepa a Ausetalia le Daily Telegraph ua faamaonia ai e le International Boxing Federation the I.B.F le feiloai ai o Jai Opetaia ma le alii fusu ia Mairis Briedis i le Aso 14 o Aperila 2022. Peitai o loo faagasolo feutagaina i le ono fai o lea fusuaga i se vaega o Ianuari poo Fepuari o lea lava tausaga.
Taua e Opetaia e tasi lava le vaega o loo ave iai lana faamuamua ina ia manumalo mai lea fusuaga
“This is what I’ve been working for my whole life, I’m finally going to tick the box. People are excited about getting a world title shot but I’m going in their to win not just to participate”
O lea faipelega o le a faamauina o se tasi o taaloga tele i totonu Ausetalia talu mai le fusuaga a le Jeff Horn ma Manny Pacquiao i le tausaga e 2017.
O le alo o le atunuu o loo faamauina i le lona tolu i le lalolagi i fusuaga e 20 leai se faiaina. O loo iai foi le naunautaiga o Opetaia ina ua faataunuu le fusuaga i totonu o Sini Ausetalia ona o puipuiga mai le faama’i o le Koviti e le gata i lea o le manatu foi lea e tasi o faiaoga ma le vaega atoa a Opetaia ina ua faia lenei taaloga i totonu o Ausetalia.
