Ua lipotia mai nei e le Radio Niu Sila, le tapena ai o le alo o Samoa, Chanel Harris-Tavita e toe faaauau ana taumafaiga i le iai i le ‘au a le NZ Warriors i lenei vaiaso, i lana taaloga ma le ‘au a Ausetalia le Melbourne Storms.
Faaalia e le faia’ogaulu a le Warriors le toe faia o suiga i le ‘au ona o tulaga o manu’aga a se tasi o alii taalo a le ‘au o Luke Metcalf i latou taaloga ma le Cronulla Sharks i le vaiaso talu ai.
O Chanel Harris-Tavita, na faailoa le mata’ina o ana taumafaiga i le amatalia ai o le taamilosaga o lenei tausaga i le latou taaloga ma le Sydney Roosters, e pei ona maua ai ana sikoa.
Ae i le taaloga ma le Canberra Raiders lea na alu ese ai Chanel mai le malae ina ua aafia lona ao i le taaloga po ua (concussed) ma lē mafai ai ona taalo i le taaloga na sosoo ai.
O lea na sui tulaga ai loa le alii o Luke Metcalf.
Faamauina le tele foi o suiga e ono faia e le faia’ogaulu a le Warriors talu ai nisi o aafiaga tau i tulafono o le taaloga o le lakapi liki o loo aafia ai le sui o le ‘au.
Ae o le mea mautinoa le toe maua ai o le avanoa o Chanel Harris-Tavita e amata i le taaloga ma le Melbourne Storms.
O lea taaloga o le a faia i le AAMI Stadium, i Melepone i le ‘afa o le 9pm i le po o le Aso Toonai 11 o Aperila.
Puna o Faamatalaga: https://www.rnz.co.nz/news/sport/591696/nrl-chanel-harris-tavita-back-in-nz-warriors-line-up-against-melbourne-storm
