Ua taofia nei e se tasi o falemai i tua, ona toe faia ni siaki faafesagai ma gasegase ona o le to’agaogao o le aufaigaluega.
O le faai’uga lea ua faia e le High Street Health Hub i Lower Hutt ma o lea ua maua e gasegase e tusa ma le 9,000 imeli.
O loo ta’ua ai i lea imeli e lē faapea a mea ua tapuni le falemai, peitai o le to’agaogao o le aufaigaluega.
Pau le avanoa o loo mafai ai nei ona faatalanoa gasegase o luga o le telefoni.
A o lē fiafia ai le toatele ua leva ona faatali avanoa e vaai ai le fomai, ua fai mai le General Practice New Zealand e lē na o Hutt Valley o loo tupu ai le faafitauli lenei.
I faamaumauga a le matagaluega o le soifua maloloina i le masina o Ianuari, e tusa ma le 485 foma’i faaleaiga o loo tau su’e i Niu Sila ma e faatupula’ia lea fuainumera i le va o le 753 ma le 1,043 i totonu o le isi 10 tausaga.
Puna o Faamatalaga: Lower Hutt GP practice stops face-to-face consultations as staffing shortage bites | RNZ News
