O loo iai pea i maota gasegase tagata e toalima lea na manunu’a mai le faalavelave i Bondi se’i vagana si pepe 9 masina lea ua faailoa mai ua te’a i tua i le asō.

O se lipoti mai le matagaluega o le soifua maloloina a Niu Sa Uelese na tuuina mai ai lea lipoti ma ua faasolo manuia i latou ia, o se alii ma se tamaitai o loo i le falemai o St Vincent, ma le isi foi alii ma le tamaitai o loo i le Royal Prince Alfred ma le isi tamaitai o loo i le falemai o le Royal North Shore.

O le faalavelave lea na maliliu ai tagata e toaono ina ua agai ane le alii o Joel Cauchi ma osofai i latou ia i le Westfield mall i Bondi Junction i le aso 13 o le masina nei.

E faitau afe na potopoto i le po anapo i se sauniga o moliga’o na faia i le faaitu lea e manatua ai soifua o nai tagata ua mailiu e aofia ai ma le tina o si pepe lea ua te’a i tua.

Puna o Faamatalaga: https://www.9news.com.au/national/bondi-junction-westfield-shopping-centre-stabbing-five-victims-remain-in-hospital/41e58b74-99f0-45da-b524-1216eba89ae6