O se osofaiga a leoleo na faia i ni aiga i Fasitoo Uta ma Faleatiu i le amataga o le vaiaso na maua ai ni paelo ua fafao iai laau mamago ma lālā o le laau faasaina o le mariuana faatasi ai ma laau ua uma ona faamili e sauna e tōtō.

O le tau o nei laau faasaina pe a faatau atu taua e leoleo e ono oo i le $160,000 tala Samoa.

O lenei osofaiga i le Aso Gafua na maua ai ma se tino i tupe e 1000 tala, o masini komepiuta laiti (laptops) o telefoni feaveai, o laau malosi e le’i reistalaina faaletulafono.

Taua e le Komesina o leoleo Fuiavailiili Egon Keil o ni faasēā mai nisi o aiga taua ai ni fana na faapāpā na afua ai ona alu le osofaiga a leoleo, mulimuli ane maua mai ai ma laau faasaina.

E lima aiga i Fasitoo Uta ma Faleatiu na alu iai le osofaiga a leoleo ma o loo faagasolo nei suesuega a le Matagaluega i lea mataupu.