Ua taofia mo le taimi nei galuega i le malaevaalele faavaomalo i Central Otago pei ona fuafuaina e le Christchurch Airport.

O Iulai o le 2020 na lipotia ai ua faatauina e le malaevaalele i Kalaiesetete le 750 hectares o le fanua i Tarras ma le faamoemoe e fausia ai se malaevaalele auā faigamalaga agai atu i Ausetalia, le Pasefika ma le itu i Saute i Sasae o Asia.

Peitai ua lipotia o se tusi na lafo ane mai le fono faatonu a le malaevaalele ua ta’ua ai o le a faatuatuai laititi galuega.

Lipotia e le RNZ o le fausia o le malaevaalele lea na matuai teena e tagata o loo aumau i ia faaitu ma se tasi kulupu ua folafola e oo i le faamasinoga o le Siosiomaga le mataupu.

Faailoa e le Pulega a le malaevaalele i Kalaiesetete, e lē gata i luitau tau tupe o loo feagai ma le aai, ae o le suiga foi o le faigamalo, ua suia ai foi ma nisi o vaega autu o poloketi faapea.