Taofia le tumau faigamalaga mai Victoria, Ausetalia

Ua taofia mo se taimi le tumau faigamalaga a vaalele mai Victoria I Ausetalia mo le 72 itula

O le itula e 8 anapo lea na amata tau mai ai le 72 itula, ma o lea umi o loo iloilo lava e Niu Sila ao tau taofiofi ai le pepesi o le Koviti I Victoria

Ae e le I faia e Niu Sila lana faaiuga e fa isi cases faaopoopo faamaonia I le komiuniti a Melepone ripotia mai ananafi, ma e faapea e fesootai uma

Ua sau ai ma le faaiuga ia I latou uma o loo I Victoria I Ausetalia I le taimi nei, afai o lea na e asia se nofoaga o nofoaga na asia e cases, e le mafai ona e faimalaga mai I Niu Sila I totonu o le 14 aso

O pasese foi taunuu I Niu Sila sa I Melepone talu mai le aso 11 o Me, e tatau ona mataitu auga o le fulu ma valaau le Healthline pe a faalogoina

O le sau o lea faaiuga na faaleaoga ai e le kamupani vaalele a le Ea Niu Sila le 20 o ana faigamalaga I totonu o le 72 itula

Faailoa foi e le kamupani o loo faaauau lava e pei ona masani ai faigamalaga a vaalele mai Aukilani I Melepone, peitai o faigamalaga tuusao mai Ueligitone, Kalaiesetete ma Queenstown ua faaleaogaina uma, ma o pasese uma ua aafia o le a auina mai Aukilani e tuuvaa ese atu ai

E le o aafia I lenei suiga faigamalaga a vaalele mai Niu Sila I Melepone, peitai afai o e fuafua e faimalaga I Victoria e tatau ona usitaia fautuaga mai le soifua maloloina atoa ai ma lou tapena e ono tutaia au fuafuaga.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required