Air New Zealand
Photo: Nz Herald

Taofi malaga na fuafua e taunuu i Samoa i le Aso 26 Aukuso

O le Aso Tofi o le vaiaso a sau sa faamoemoe e sau ai le malaga faapitoa mai Niu Sila i le aofaiga o le pasese e 200-300.

Peitai ua toe taofi lenei Malaga faatasi ai ma isi malaga na fuafua mo Setema ona o lea ua lipotia le toe maua o nisi tagata i Niu Sila i auga o le Koviti 19 le vairusi ua taua o le Delta lea e saoasaoa lona pipisi.

O le fono a le Kapeneta i le Aso Lulu na faia ai lea faaiuga ma na ave ai le faamalosiau a le tamaitai Palemia Fiame Naomi Mataafa i le taua o le faia o tui puipui aua lava puipuiga mai lea faama’i oti.

Taua e Fiame “Ou te manatu o se laa malosi lea ua faia e Niu sila aua lava puipuiga ma ua avea foi lea tulaga ua faia ai se faaiuga a le kapeneta mo le puipuia o tagata Samoa o le a toloa a tatou vaalele e Malaga mai Niu Sila o loo faapena ona faafoi mai ai nisi o tagata o le atunuu sa faasoasoa atu ai avanoa e malaga mai ai”.

O le talitoluga a le Palemia ma le Kapeneta o le faaiuga talafeagai Lea mo le puipuia lautele o le ono ofi atu o le faama’i i totonu o Samoa.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required