Search
Search
Photo Credit: NZ Herald

Taofi e le aufaipese Peretania Winston Peters i le toe faaaogā o le latou pese i meafai faapolokiki a le NZ First

O le aufaipese a Peretania o le Chambawamba ua tapaina Vaovasamanaia Winston Peters ma lana pati a le New Zealand First, e taofia le toe faaaogāina o a latou musika i ana faamoemoega faapolokiki.

Ua latou ta’ua ai, ua galulue nei i se faaaliga tusitusia mo le taofiaina.

I se faamataalaga sa tuuina i le vaega o tala a le Televise a Niu Sila, o lea aufaipese sa latou faaalia, sa latou tapaina Peters e taofia le faaaogāina o le latou pese sa lauiloa i le 1997, le Tubthumping, lea sa fai ma faaaogā e le NZ First ia latou faatosina o le faigapalota.

Faaalia e lea aufaipese, e mananao e faamanino, e latou te lei tuuina se faatagana mo Peters e faaaogā ai le pese ma tapa ai e taofia le faaaogāina e faalautele ai ona manatu avesese faapolokiki.

Ta’ua e le kulupu, e lē faasoaina e le Chumbawamba se aikia a Peters i tulaga tau i sootaga ma ituaiga o tagata eseese, ma faamanatu iai, o le pese sa tusia ma faatatau mo tagata masani ma lo latou vave mau fetuutuunai – resilience.

Ae ua lē o se pese mo faipolokiki mauoa e taumafai e manumalo ai i palota i le faaaogā o mafaufauga o ni taupulepulega leaga faavalevalea ma faasalalau ai aikia taitai sese o le faailogalanu.

Ae o le faamatalaga a Peters i luga o le upega a le X ua ia ta’ua ai, o lea tala sa tusia e se tusitala sa ia tapa se lagolago i le valaau i se sui o lea aufaipese sa ta’ape i le 12 tausaga talu ai, ma ave iai faamatalaga faaitu’au i le mea sa ia faaalia i lana lauga.

Ma ia ta’ua ai, e lei maua e le NZ First se faaaliga o le taofia o le pese, ae poo se telefoni, imeli poo se tusi foi mai lea aufaipese.

Tala sili ona faitaulia

SAMOA UPDATE

PODCAST

Listen on

TALA FOU MAI SAMOA

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required