Search
Search

Talosagaina le toe faamalosia o le tulafono e tapu ai fanau o loo faatau savali oloa

O se tasi lenei o mataupu e tele ina lagalagā ai finagalo, e lē gata i totonu o le Palemene, o le Matagaluega o Aoga faapea ai ma faalapotopotoga tuma’oti e aofia ai le faalapotopotoga o galuega faavaomalo poo le International Labour Organisation (ILO).

I le felafolafoaiga i le lipoti faaletausaga a le Matagaluega o Aoga ma Aganuu na faaali manino ai e le sui Faipule o Faleata #3 le tatau ona aofia ai ma le po i le tulafono o le tapu ona faatau o oloa e fanauiti.

O le tulafono o loo iai i le taimi nei, e na o itula faigaluega o loo tapu ai ona vaaia fanau o faatau oloa.

Ta’ua e Lealailepule e iai nisi o mātua e tutuli o latou alo e faatau oloa i le po i Apia faapea ai ma Vaitele ae agai i le bingo.

O le fautuaga a le sui Faipule i le Komiti faapea ai ma le Minisita, ina ia toe silasila i lea vaega, ona o le itu o loo popole ai, o le saogalemu o fanauiti.

Sa tali le taitaifono o le komiti faapalemene na iloiloina le lipoti o Ale Vena Ale, o le a silasila le komiti i nisi o fautuaga ua folasia i luma o le Palemene.

I le lipoti a le National Child Labour o loo faamauina ai e 135 le aofai o fanau i le atunuu o loo faaaogā e le aufaipisinisi e faatau atu a latou oloa i luga o le ala, ae o isi o fanau e lē oaooga ae o loo suesue mea i nofoaga o loo lafoai ai lapisi.

Tala sili ona faitaulia

Tala mai samoa

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required