Talosaga le Virgin mo le toe tuuina atu o le laisene mo femalagaiga i le ea

Ua agai nei le Kamupani Vaalele a le Virgin Australia e talosagaina le toe faafou o le laisene mo femalagaiga i le va o Samoa ma Ausetalia.

Na faamaonia mai e le Ofisa Sili o le Matagaluega  o Galuega ma Felauaiga Magele Hoe Viali le talosaga atu a lea Kamupani vaalele e toe faafou le laisene o lea vaa.

Taua e Magele “Ua silafia e le atunuu le faatinoga o femalagaiga a le vaalele o le Virgin Australia a’o lei iai le Koviti i malaga lea i le va o Samoa , Brisbane ma le Sini Ausetalia”.

Taua foi e le Ofisa Sili “O a  latou (Virgin Australia) faigamalaga mai Niu Sila lea na taofia ona o tulaga o le leai o se aiā a pasese mo i latou i lea vaega “.

Ua talosagaina le toe tuuina atu  o le Air Service License poo le ASL mo faigamalaga mai Ausetalia i Samoa faapena foi Samoa i Ausetalia peitai e lē mafai ona faataunuuina ona o aiaiga o puipuiga o le Koviti. Ma i lea mataupu i le mananao o se isi Kamupani Vaalele a se isi atunuu e galulue ma Samoa e tatau ona saini ni maliega i le va o atunuu e lua

Share on facebook
Share on twitter
Share on email
Share on whatsapp
Scroll to Top

Keep uptodate with Radio Samoa activity & promotion

* indicates required