Search
Tanumalala Prison
Tanumalala Prison. Photo by NZ Herald

Talosaga le Minisita e faaaogā pagota e fausia le hall i Vaiaata ma le fale o aoga fanafana a leoleo

Ua i luma o le taitaifono, le sui taitaifono ma sui o le komiti o tauofoga mo galuega a le Malo, se talosaga tusitusia a le Minisita o Leoleo, Falepuipui ma le Fuataina le afioga Faualo Harry Schuster, ua ave ai se manao o le Minisita i se ioega a lea komiti e faaaogā pagota o loo tuli faasalaga i le fausia o se hall mo le falepuipui i Vaiaata, ma le nofoaga o se fale e aoaoina ai le tomai fanafana o malu o le malo poo leoleo.

O lea fanoga o le alii Minisita o loo ia faailoa ai, afai e galulue pagota mo le fausia o ia galuega, o le taitai kamuta a le matagaluega ua iai lona laisene e fausia ai fale o le a vaaia le galuega.

Ua ia faailoa foi i le taitaifono le sui taitaifono ma le komiti o tauofoga, o le a iai se alauni e totogi mo pagota o le a faia le galuega, ae e lē o faailoaina e le Minisita i lana tusi talosaga pe fia le alauni e maua e le pagota e toatasi.

O le galuega o le fausia o le falepuipui i Vaiaata sa ave i se konekarate faufale, peitai sa faaaogā ai pagota e le konekarate e faatinoina le galuega.

Ua faailoa e Faualo i le komiti o tauofoga e lē toe tupu lea faiga lē lelei.

O aiaiga o le tulafono o falepuipui o loo faasino i le toe fuataina poo le Rehabilitation ua finagalo le Minisita e mafai ona faaaogā ai pagota mo ia galuega e lua, auā o se aiaiga faaletulafono e faasino i le toe aoaoina o mafaufau o pagota i ni tomai e mafai ona latou faaaogā pe a magalo i le mae’a ona tuli o faasalaga i le falepuipui.

O le Malo o Iapani o le a ia faatupe le fausia o le hall mo le falepuipui i Vaiaata, ae o le ofisa o le Malo o Amerika i Apia ua auala mai ai le fesoasoani o le a faatupe ai le nofoaga e aoaoina ai le tomai fanafana o alii ma tamaitai leoleo.

Tala sili ona faitaulia

TALA FOU MAI SAMOA

SAMOA UPDATE

PODCAST

Listen on

FAATALATALANOAGA

POLOKALAME A LEOLEO

Keep uptodate with Radio Samoa activity & promotion

* indicates required