Hon. Marise Payne

Talosaga le malo Ausetalia ina ia tauaofia loa le palemene

O le faaiuga o le vaiaso na tuu mai ai se talosaga a le Malo o Ausetalia e fautuaina ai loa vaega faaupufaia e lua ina ia tauaofia loa le Palemene. O le talitonuga a Ausetalia ua tatua loa ona faatino lea vaega aua le ua faamanino mai e le faamasinoga (court of appeal) e leai se mafuaaga tatau o le a toafia ai fua le usuia o le palemene.

I lea tusitusiga na taua ai e Senate o Ausetalia ia Hon. Marise Payne ma Hon. Zed Seselja “O le faiauga a le faamasinoga i le Aso 2 o Iuni e le’o taofia ai fua le amatalia o le fono a le palemene ma e tatau ona usitaia e sui filiiflia uma o le Malo ina ia tulai mai se faigamalo fou”

Na ia taua foi “O le tausaga nei e atoa iai le 50 tausaga o faigafaapaga a Samoa ma Ausetalia ma o le a faaauau pea le tuumai o le tauau fesoasoani a Ausetalia i le atunuu”

O le vaiaso na tea nei foi lea na faafeiloai aloaia ai e le atunuu le Hai Komesina Fou a le Malo o Ausetalia mo Samoa ia Emily Joan Luck.

O le Aso Faraile 25 o Iuni na tuu mai ai le faaiuga a le faamasinoga toe iloilo i se talosaga a le FAST e faamalamalama auiliili ai le faaiuga a le faamasinoga o apili lea na faamaonia ai le tatau ona iai o le sui lona 6 o tamaitai i le Palemene aua o loo finau le HRPP e lē mafai ona tauaofia le Palemene pe a le atoa le 10% o tamaitai.

Peitai o le iuga a le faamasinoga na faamanino mai ai e leai se faaiuga faapea e taofia le palemene seia maea ona saili le sui lona 6 tamaitai,e tatau pea ona tauaofia le fono ae talia i iuga o tagi o le faigapalota ma ni faigapalota laiti pe tulai mai ai se sui tamaitai afai ae leai ona faato’ā saili lea o le sui lona 6.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required