Ua talosagaina e nisi o tagata Maoli ma Pasefika e iai tomai I le itu tau le soifua maloloina, le faasee o Aukilani ma Northland i lapataiga vaega fa ole vavao ina ua faia sa latou feiloaiga ma sui o le malo i le vaiaso nei.
O nisi o I latou ia e aofia ai Dr Matire Harwood ma Dr Colin Tukuitonga sa faaleoina ia finagalo I le fonotaga na faia ma sui o le soifua maloloina e faatalanoa ai le tali atu I aafiaga o le faama’i.
O le mau a Tukuitonga ma Harwood e iai le talitonuga ua tatau ona faasee i le vaega fa ona o le maualuga o le aofai o cases o loo iai nei, le aofai o cases e le o iai ni sootaga atoa ai ma faamaumauga o loo iai nei le numera o tui puipui ua faia.
O le aso Lulu o le vaiaso nei na agiga ai ise saunoaga a le minisita o le koviti 19 Chris Hipkins le le oo I lapataiga vaega fa, lea e manatu nisi o se faaiuga sese. O fomai ia e toalua o ni sui foi o le Kulupu faufautua a le malo mo le Koviti 19 e ui oloo taua I tala a le Herald e le’i logoina i tulaga talu ai nei na faailo e le Soifua Maloloina.
Fai mai o loo faatalanoaina pea le mataupu.
