Ua talosaga mai faleoloa a charity i soo se vaega o le atunuu e aua nei toe lafoaia mai ato ofu ma oloa e le o moomia 

Ua vaaia ma le faanoanoa fafo ane o faleoloa a charities aofia ai ma le Salvation Army, ma ua faaleo ai le le fiafia o nisi o tagata Kiwis ona o le gasu ua iai nei luma o nei faleoloa

O lea o loo tapunipuni uma pisinisi e aofia ai faleoloa nei ma o le tele o taga ofu ua lafoai i luma o faitotoa o nei faleoloa ua susu

Ripotia e le Herald le tele o faleoloa i Hamiltone ua pei o ni nofoaga e lafoai atu iai faamalu ma le tele o lavalava

I le tali mai a le sooupu a le Salvation Army, Louise Parry e talia ma le agaga faafetai le aao foai o le atunuu peitai ona o tapu o loo iai e le o mafai ona agai nisi o le aufaigaluega e tatala faleoloa, ma ua sau ai le talosaga e taofia nei foai seia toe tatala pisinisi

O le gasu ua iai luma o faleoloa ua aafia o le a pau lea i le local council latou te totogia le faamamaina