Talosaga e avea le aso o le Diwali ma aso malolo, amata atu I le 2022

Ua faatalosaga e le komuiniti Hindu le faamamalu o le faamanatuina o le Diwali I Niu Sila e ala I le faia o se aso malolo amata atu I le tausaga e 20222

Faaalia e le peresetene o le sosaiete ua faaigoaina o le Universal Society of Hindusim, Rajan Zed, ua tatau I le malo ona toe Iloilo tuutuuga o loo faia ai aso malolo I totonu o le atunuu

O le finagalo ua faaalia I luga o le tala a le leitio NZ, e le o fetaui I le komuini Hindu le faigaluega ma o I aoga I le aso o le Diwali

Peitai o loo teena e le o loo tuufaatasia nei polokalame faamanatu I Ueligitone I lalo o faamalu a le Communities Action Trust, Murali Kumar le faia o se aso malolo, I lona ia talitonuga, o lea o loo tali-sapaia e taulaga o Ueligitone ma Aukilani le Diwali e ala I sauniga eseese o loo faia I tausaga taitasi ma o se vaaiga faamalieloto o loo faatauaina e tagatanuu eseese

O le po anapo na amata faamanatuina ai I le taulaga o Ueligitone le Diwali o lenei tausaga ma o loo fuafua o le po ananei lea e faia ai mea faapapa poo fireworks O le Diwali o le tausaga nei e pau I le aso Toonai, 14 o Novema.

LAUILOA

Keep uptodate with Radio Samoa activity & promotion

* indicates required