Talia le taitai o le Mongrel mai Waikato e sau I Aukilani

O lea na talia faapitoa le faimalaga mai o le taitai o le Waikato Mongrel Mob e sau ai I Aukilani ma toe foi

O le sau I tua o ripoti I le faigamalaga a Sonny Fatupaito na sau I le faaiuga o le vaiaso talu ai atonu e le o faigofie ia I latou o loo taumafai e kolosia tuaoi o Aukilani, peitai o se faaiuga o loo lagolagoina e le malo ma o lea na sau o se tagata faigaluega taua poo le essential worker e momolia le feau o le Koviti I sui o kegi I Aukilani

O lea ua faamaonia mai e le minisita o le Koviti, Chris Hipkins e fai lava si tele o le fuainumera o tagata ua faamaonia I le Delta o loo iai nei o sui o kegi, ma na taua foi e le minisita e le o usitaia e I latou nei tulafono

I se pepa o faamatalaga na tuuina mai ananafi o loo taua ai e le faapea faatoa faia ai lea o se exemption faapea, o lea foi sa talia muamua mo le cluster a le ekalesia Assembly of God, ma o lea ua faalautele mai nei mo le Mongrel Mob I Aukilani

O le faatagana na sau ai Fatupaito I Aukilani na aiaia I lalo o vaavaaiga a le soifua maloloina faapea le pulega a leoleo

Ripoti a le Newshub, e le na o Fatupaito lea na talia lona sau I Aukilani o lea foi na ave le faatagana faapitoa I se tasi foi o sui a le Mongrel, Harry Tam

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required