O le a atili faigata i aiga tau faasoa pe afai ae toe sii e le Reserve Bank le official cash rate i le asō.
O loo faatalitali e le to’atele o le asō o le a sii ai e le faletupe tutotonu a le atunuu le OCR ma o le a oo ai i le 2.5%.
O le a atili faigata ai a o iai le atunuu i le taugata o le soifuaga pe a fua i le siitaga o le a oo iai tului a faletupe i luga o nonoga tupe.
Molimau a le faufautua tau i mokesi, Bruce Patten, afai ae sii o lona uiga o le a alu ai i luga ma tului o nonogatupe o fale.
I nei suiga uma mai le tagata su’esu’e faapitoa o le Council of Trade Unions i tala a le leitio a Niu Sila Craig Renney, e lē ogatasi le alu i luga o tau o mea faapea suiga mai faletupe faatusa lea i totogi lea e silia ma le 1/3 o tagata galulue e le’i maua se siitaga o totogi i le tausaga ua alu.
