O le a maua le isi tui fou o le Koviti i le tau malulu o i luma, e faafetaiai ai isi ituaiga vairusi fou o le Koviti.
A o sau ai isi vairusi fou o le Koviti ma maua ai le toatele o tagata Niu Sila, o ananafi na talia ai e le Medsafe le talosaga mai a le Pfizer e tusa ma lana vailaau fou ua iai nei mo le XBB 1.5.
Mai le MedSafe o le vailaau fou lea o le a fesoasoani e tuuitiitia ai le toatele o tagata mama’i ma tumutumu ai ma falemai ma o le faaiuga foi ua iai nei ua faia ai a o agai mai pea ituaiga vairusi eseese.
Ua faamautinoa mai ai foi e lē o iai lava se suiga i le agavaa o tagata Niu Sila i le tui o le Koviti.
I le taimi nei o loo avanoa pea le BA 4.5 booster i tagata lautele ma o se taimi o i luma o le a faasalalau i luga o le upega tafailagi a le MedSafe le vailaau fou ua ia ioeina mo le tau malulu o le 2024.
