O le Aso Lua o le vaiaso o lumana’i nei e tula’i ai i le Faamasinoga Faaitumalo, Aumaga Aloalii, 49 tausaga le matua o le soifua e tali i le moliaga o lona faia o faasalalauga i luga o le api o foliga poo le Facebook, i se tulaga faasoesā ma lafo ai ni upu taufaamata’u i lona faaoo o le maliu i le ta’ita’i o le malo, le afioga i le Palemia.

O le māfua’aga lea o le ifoga a le nuu o Saleapaga o loo matai ai lē ua molia e leoleo, e pei ona sa afea ai le maota o le malo o Matā’afa Faumuina Mulinuu II i le Eleele Fou i le Aso Faraile ua mavae.

Advertisement
𝐈𝐅𝐎𝐆𝐀 𝐀 𝐋𝐄 𝐀𝐅𝐈𝐎’𝐀𝐆𝐀 𝐎 𝐒𝐀𝐋𝐄’𝐀𝐏𝐀𝐆𝐀 𝐀𝐆𝐀’𝐈 𝐈 𝐋𝐄 𝐏𝐀𝐋𝐄𝐌𝐈𝐀 𝐌𝐀 𝐋𝐄 𝐌Ā𝐋Ō Photo: Governent of Samoa
𝐈𝐅𝐎𝐆𝐀 𝐀 𝐋𝐄 𝐀𝐅𝐈𝐎’𝐀𝐆𝐀 𝐎 𝐒𝐀𝐋𝐄’𝐀𝐏𝐀𝐆𝐀 𝐀𝐆𝐀’𝐈 𝐈 𝐋𝐄 𝐏𝐀𝐋𝐄𝐌𝐈𝐀 𝐌𝐀 𝐋𝐄 MALO. Photo: Governent of Samoa

Ua faaalia i se faasalalauga mai le Ofisa o le Sooupu o le Malo, ua talia e le Palemia, susuga Laaulialemalietoa Leuatea Polataivao Fosi Schmidt le ifoga faatasi ai ma lona faletua, ae i le saunoaga a le Minsita o le Soifua Mālōlōina sa fai ma sui o le malo ina ua feiloa’i ma le mamalu o le nuu, na ia saunoa ai, ia fua se tapu auā o le Palemia o le atunuu e tausi vaatele e Samoa aoao.