samoa court

Tālia iuga o mataupu o tagi o le palota mo itumalo e tolu o loo totoe

E toe tolu itumalo lea o loo tālia nei iuga o a latou faamasinoga o tagi o le fiapalota e aofia Falealili No.2, Sagaga No.1 ma Aana Alofi No.2.

O le Aso Faraile o le vaiaso na tea nei a maea ai molimau mo le mataupu a Sagaga No. 1 ma o le vaiaso nei o le a tuu atu ai folasaga mulimuli a Loia o vaega uma e lua.

Mo le itumalo a Falealii No.2 ma Aana Alofi No.2 lea ua maea uma tulaga o lona faatinoga ma o le vaiaso nei lea e faamoemoe e tuu mai ai iuga o nei mataupu ona mulimuli lea tuu mai le  iuga o le mataupu a Sagaga No.1

A maea tuuina mai nei iuga ona ave lea o se ripoti a le faamasinoga i le fofoga fetalai o le palemene poo a vaega e ave iai se latou fautuaga ma le tuualalo ae le gata i lea o faitioga a le faamasinoga i solitulafono e pei o le taofiofia o molimau i nisi o mataupu.

E pei o le mataupu a Sagaga No.1 lea na tuu atu ai le tusi saisai i le faafeagaiga ma lona faletua i le lotoā o le Metotisi i Faleula ma o le Aso Faraile na oo atu ai nei molimau ma na la taua i luma o le faamasinoga o le mafuaaga e le’i mafai ona auai atu i le aso atofaina o le faamasinoga ona o le aso lea na tuu ai ia laua le vaaiga o le Kolisi faafaifeau i le aso atoa. Na fai ai lava i lea aso le molimau a le faifeau ma lona faletua.

Peitai mo nisi mataupu ua maea e pei o Anoamaa No.2 lea e ui na ave ni tusi saisai i molimau e to’alima ae e maea lava lea mataupu e le’i oo atu nei molimau. O se faataitaiga lea o tulaga o faitioga a le faamasinoga e auala atu i se ripoti pe a maea uma mataupu o tagi o le palota.

O le taimi nei ua manino le 26 o sui a le FAST ae ua na’o mataupu a sui filifilia o le HRPP lea o loo lu’i nei e sui tauva o le Faatuatua i le Atua Samoa ua Tasi. E iloa i le vaiaso nei pe iai se suiga i fainumera auā o loo 18 le aofai a sui o le HRPP o loo iai nei.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required