E toa 23 leoleo na faailoa i se faasalalauga faalotoifale a le Matagaluega o Leoleo, Falepuipui ma le Ola Toe Fuataina o latou suafa ua agai iai suesuega o vaega o amioga tauoloa a le Matagaluega ona ua tuuaia ma masalomia i lo latou fa’aaoga lea o le fualaau faasaina o le aisa faapea le laau faasaina o le mariuana.
I lea pepa o faalotoifale o loo faaalia ai e toatasi se leoleo satini sinia, toatolu leoleo satini, toatasi le taai lua ma se vaega o malu o le malo o umia le tulaga o le constable o loo suesueina.
O le vaega o taavale afi o le vaega o auaunaga lautele a leoleo le general policing, o le ofisa suesue poo le CID ma ofisa o leoleo i Faleata ma Afega o loo galulue iai i latou o loo agai iai sailiiliga faalotoifale.
O le ogatotonu o le vaiaso nei ua faalia e le Sui Komesina le afioga Afamasaga Samuelu e tatau ona oo atu ai i luma o le Pulega Faatonu le tanuuga o vaega amata o lenei suesuega ona iloa ai lea pe e iai pe leai ni mau anoa e faamaonia ai tuuaiga ma avanoa ai ona faia ni moliaga faasolitulafono.
