Ua talia e le Kapeneta i tulaga aloaia o le faamavaega a se tasi o Komesina o le Komisi e pulea tagata faigaluega a le Mālō.

O le tofa ia Auelua Samuelu Enari lea ua faamavae ma lona tofiga ma ua avanoa ai nei se tasi o komesina e toalua ma le taitaifono e toatolu ai sui o le saofaiga a Komesina o le komisi. 

Na faafetaia ai e le tamaitai Palemia afioga Fiame Naomi Mataafa le tōfa Ia Auelua i le taimi na tautua ai lea tamalii i le Mālō i tausaga e tele. 

E pei ona silafia o le tōfa ia Auelua Sameulu Enari sa avea ma se tasi o Ofisa Sili poo se Faauluuluga o le Matagaluega o Alamanuia ma Leipa i ni tausaga e tele ua mavae ao le’i filifilia e avea ma se tasi o Komesina o le Komisi e pulea tagata faigaluega a le Mālō.