Fuimaono-Teo-alone

Talia e le faamasinoga le talosaga a Fuimaono Samuelu Te’o

Ua talia nei e le faamasinoga o faigapalota le talosaga a le Loia o loo finauina le tetee a le sui tauva o le vaega faaupufaia e puipuia aia tatau o tagata le afioga ia Fuimaono Samuelu Te’o o le itumalo palota o Falealili No.2 e faaulu ai ni aga tuuaiga o faatosina solitulafono faasaga i le sui tauva ua ia faaulu le tagi faasaga i le sui faipule filifilia.

O lē o loo tagi o Veletaloola Fuimaono Lotomau Avauli ma o le Aso Tofi na valaauina ai lea mataupu mo le iloiloina o le talosaga a le sui faipule i le tuuina atu o ana moliaga e tali atu ai i tuuaiga a lē ua tagi. Peitai na finau le Loia a Veletaloola e le’i tausisia e le faipule filifilia ma lana loia le taimi na aiaia e tuuina atu ai moliaga a lē o loo faasaga iai le tagi.

O le taunuuga o lenei finauga o lea ua tlaia e le faamasinoga le tuuina atu loa o moliaga a le faipule filifilia ma ua faatulaga ai e tatau ona oo atu i le Aso Faraile o le vaiaso fou Aso 2 o Iulai ua tuuina atu tali tusitusia i tuuaiga poo le counter petition.

O le Aso 19 o Iulai ua faatulaga  e suesue ai lenei mataupu peitai e faalagolago le faataunuu o le faamasinoga i le aso ua faatulagaina i ni tagi o le faigapalota o le a toe faaui i tua ma tuu mai ai loa i luma i se isi taimi o le a toe faatualga ai. O lē o loo tagi ia Veletaloola na tauva mo le vaega faaupufia a le FAST ma sa tualga tolu o ia i le aofaiga o palota na ia maua e 294 ae o le sui faipule filifilia ia Fuimaono Samuelu Te’o e 513 na ia manumalo ai i le nofoa o Falealii No. 2.

Share on facebook
Share on twitter
Share on email
Share on whatsapp

LAUILOA

Keep uptodate with Radio Samoa activity & promotion

* indicates required