Ua faamaonia le taliaina e le aiga o le tamaitai pese iloga a Ausetalia, Olivia Newton John o le avanoa ua ofo atu e le faigamalo a Vitoria mo se sauniga faalemalo mo Olivia e amana’ia ai lona sao i le setete, le atunuu ma le lalolagi atoa. 

Ua faamaonia e le premier o Vitoria Daniel Andrews le faia o lea sauniga ma o le a faapei o se koneseti lona faatinoina e manatu le premier o le a talafeagai ma le ituaiga tagata e iai Olivia ma lona soifua. 

E oo mai i le taimi nei o loo faailoa pea alofaaga molimoli o le lalolagi mo sia tamaitai i lona foi sao i le itu tau faafiafiaga i musika ma ata tifaga aemaise lona soifua auauna sa fesoasoani ai mo ē aafia i le kanesa ma isi galuega fesoasoani a Malo Aufaatasi faapea foi i totonu o Ausetalia.