Fiame Naomi Mataafa
Fiame Naomi Mataafa

Tali le Palemia i se faamatalaga a lē sa avea ma Minisita o Tupe

I se pepa o faamatalaga faalauaitele a le Vaega faaupufai e Puipuia Aia Tatau o tagata sa faalia ai le finagalo o lē sa avea ma Minisita o Tupe Sili Epa Tuioti e faapea e atagia mai i fuafuaga o le tala faatatau autu o le tupe a le Malo fou o le a faaititia tupe faaalu mo nisi Matagaluega o le malo.

O ia Matagaluega e pei o Aoga Taaloga ma Aganuu ma le Soifua Maloloina ina ia mafai ona faatino se fuafuaga a le FAST sa finau ai i le faigapalota tele o le maua e itumalo e 51 o le 1 miliona tala.

Taua e Fiame “O le mea muamua lava e tatau ona faamanino o Sili Epa ua le toe faipule, i le mea la lea faapea o ia o le sui o le vaega faaupufai e agaia le malo ua aumaia se mau, ia te a’u lava ia e le talafeagai lena mea”.

Taua foi e le Palemia “E pei o le Matagaluega o Aoga lea e faapea e ono aveese mai, e lē tupu lena mea, e maualuga le faamuamua a le vaega lenei i mataupu tau aoga ma le soifua maloloina”.

Faalia e Fiame “e tele lava auala e mafai ona maua ai le 51 miliona aua o loo iai tupe a le malo e faaoga lea mo nuu i tua o le mea la pe faaoga tupe na i se faiga faapaketi e fai ai lea itumalo ma lea itumalo poo lesi mea pe e iai nisi e fia faimeaalofa mai ia tatou e faatino lena faamoemoe“.

O se tasi lea o mataupu na faamalamalama e le tamaitai Palemia i le feiloaiga ma tusitala i lenei vaiaso.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required