Papalii Li'o Taeu Masepau
Papalii Li'o Taeu Masepau

Tali le Fofoga Fetalai i le mafuaaga o le tuai faailoa o le aso mo palota laiti

Ua faailoa e le Fofoga Fetalai o le Palemene le susuga Papalii Li’o Taeu Masepau e 14 aso na ia faailoa i le taitai o le vaega faaupufai e Puipuia Aiā Tatau o Tagata i se feiloaiga i lona Ofisa ina ua maea le fono a le Palemene talu ai nei o le a tapena ai le faia o lana poloaiga e tuuina atu i le

Ofisa o le Komisi o Faigapalota e faagasolo ai taualumaga o tapenaga o palota laiti o itumalo e 7 lea ua avanoa nofoa i le Palemene.

O le taeao o le Aso Lua 12 o Oketopa ma maua ai le feiloaiga a le Fofoga Fetalai ma tāpā ai sona finagalo ona o se faasalalauga a le taitai o le HRPP susuga Tuilaepa Lupesoliai Sailele Malielegaoi ma faailoa ai lona sauni e ave i le faamasinoga le Fofoga o le Fono ona o le tuai faailoa o le aso e faia ai palota laiti. I L tusi a Papalii ua tuuina atu i le susuga Tuilaepa o loo ia faailoa ai e lē faafefeina e se tasi le Fofoga o le Fono.

Taua e Papalii “Na o’u faiatu loa lea ia Tuilaepa ma Lauofo ma Lealailepule, give me two weeks sei fai ai la’u faaiuga i le nofoa lea o Safaga No.4 ona e lē faigofie o le first time lea ua aumai ai i le Speaker e fai se faaiuga, e le faigofie la la’u faaiuga , e uma loa la’u faaiuga o nei i le asō (Aso Lua 12 Oketopa) lea oute count ina lava la’u two weeks e fai ai loa la’u faaiuga ma ave ai loa i le Komesina o Faigapalota, lea faatoa uma nei le ma feiloaiga ma le Komesina”.

O le itumalo faapalota o Sagaga No.4 ma Safata No.2 lea na tuuina atu e le faamasinoga le ripoti i le Fofoga Fetalai na te faia le faaiuga pe na aafia no faiga tauvalea i maliega a sui na faauluina tagi tau palota mo ia itumalo ma i laua na tuuaia. O lea ua faailoa e Papalii e leai se aafiaga faapea i lana silasila i le tulafono ma ua mafai ona tauva le sui na faasaga iai le tagi lea na manumalo i le palota tele ia Aperila le afioga ia Tuisa Tasi Patea o le sui o le HRPP mo Sagaga No.4 faapea foi le sui tauva o le FAST le afioga Tagaloatele Poloa. 

Ua agavaa foi ona toe tauva i le palota laiti sui a le HRPP mo Safata No.2 le afioga ia Nonu Te’o Lomialagi Lose Niumata ma le sui o le FAST le afioga Laumatiamanu Mathew Ringo Purcell.

O le Aso 12 o le masina o Novema o le a faataunuu ai loa palota laiti a itumalo faapalota e 7 ua avanoa nei nofoa.

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required