O le suiga o le tau le mataupu autu o le uluai fonotaga a le US-Pacific Islands o loo faia i le vaiaso nei i Uosigitone.

O se mataupu o loo matuai moomia ai le tali mai o malo e maualuluga tamaoaiga, atoa ma le lagolago a taitai o le Pasefika ina ia mafai ona tali atu i lenei mataupu.

Mai ia Tagaloa Cooper o le faatonusili o le Climate Change Resilience a le SPREP e pei ona molimau ai leitio a Niu Sila, o se manaoga o tagata Pasefika e tatau ona faafeiloai ae lē o le taulai i manaoga o atunuu faapaaga.

Faamaonia mai ai foi le toatele o atumotu Pasefika e le o faamalieina, ma o lea ua moomia vave ai le fesoasoani.

O le fesoasoani mo le Pasefika o loo moomia e le gata o fuafuaga mamao ae faapea itu e tali atu ai i suiga ina ia mafai ona folau faatasi.