Search
Photo Credit: S.P.C.

Talanoaina o mataupu tau le auaunaga faatausi soifua i le Pasefika

O le auaunaga a tausi soifua i le tautuaina o tagatanuu i maota gasegase i le Pasefika aemaise o le taulamua ai i le siitia o le soifua maloloina o tagata lautele o le aano lea o le fonotaga a Faauluuluga o Tausi Soifua i le Pasefika lea na faagasolo i Fiti i le masina nei.

O lenei fonotaga faatasi ai ma aoaoga sa Taitaifono ai lē o loo avea ma Faauluuluga o le Vaega o Tausi Soifua, Momoti Ulisese Tapuvae i lona autu ia tutu faatasi tausi soifua mo le soifua maloloina lautele i le lalolagi.

I se lipoti mai le Pacific Community (S.P.C.) o lenei faamoemoe e telē sona tāua e le gata i le siitia o le tomai o tausi soifua i aoaoga aemaise le amanaia o le auaunaga ma faamanuiaga o nisi o vaega o le soifua maloloina.

O nisi o sui mai le Matagaluega a le Soifua Maloloina sa auai i lea fonotaga e aofia ai le Peresitene o le Asosi o Tausi Soifua i le vaega o tatotoga i le Pasefika Natasha Mamea, tausi soifua sinia, Mesepi Fotumaaliipule ma le Faauluuluga o le Health Science, Sala Maatasesa Samuelu Matthes.

O nisi o mataupu tāua sa talanoaina e tusa ai o le auaunaga faatausi soifua e aofia ai le itu tau aoaoga, o faamaumauga ma suesuega faalesoifua maloloina faatasi ma nisi o mataupu e patino tonu lea i vaega taitasi o le auaunaga faalesoifua maloloina.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required