Ua fesiligia le lumanai o le Brooklands Zoo i New Plymouth.
O le Aso Lua na ioeina ai e le Council ana fuafuaga faagasolo mo le zoo e aofia ai nofoaga mo meataalo a fanau, o le auala savali faapea ai ma nisi meaola fou, peitai e oo mai ananafi ua toe sui le mataupu ina ua talanoaina le toesea mai o le $9 miliona tupe faaalu mo compliance costs.
Ua sau ai nei ma le tala ua taugata tele ma e ono oo atu ai i se tulaga o le tapunia o le zoo.
Ae mai le pulenuu ua ia toe faamanatu i councillors le tāua i tagata o le komiuniti o le zoo, ma o loo atagia mai i saunoaga a Neil Holdom e lē o manao e agai talanoaga i le tapuni o le zoo.
E uma ane fonotaga o ananafi o loo taoto se’i toe feiloai le Council ma amata tusia faamaumauga e ave i tua e fesiligia ai tagata lautele i le masina o Fepuari, faamoemoe ai e tatau ona mausali se faaiuga ae e lei tuuina i totonu o fuafuaga 10 tausaga a le Council lea e faailoa i le masina o Iuni o le 2024.
