E ono avea kapaka i Ueligitone e avea ma nofoaga faapei o se faleaiga
O le fuafuaga lea ua tuufaatasia e le council a Ueligitone e lagolago ai le hospitality sector ao toe tau faaolaola pisinisi ona o aafiaga o le Koviti
O lea fuafuaga e aofia ai lisi faia fua mo na o sina taimi, laisene faapitoa e mafai ona faia ai ni sauniga faapitoa, ma seia oo atu ai i le tatala o nofoaga taalaelae faapei o kapaka ma auala savali e mafai ona suia e avea ma nofoaga e aai ai
Tala a le Herald o loo molimau ai le pulenuu, Andy Foster, o taimi faigata faapenei e moomia le fetalai ma augofie i fesuiaiga ina ia mama ai le mamafa o le avega
O se tapenaga foi o le a faia fua ai nisi o talosaga ma laisene, aemaise lava polokalame ua le mafai na faataunuuina ona o fesuiaiga o le Koviti
Ua faafetaia ai e le peresetene o le Hospitality New Zealand, Jeremy Smith lenei fuafuaga, ma ua faamalosi ai foi i pule o faleaiga ma papu e fesootai agai i le council mo fesoasoani e mafai ona maua e pisinisi
O loo faia nei faatalanoaga I lenei mataupu
