Talanoa le vave ona faatulafonoina o le suiga o le Resurgence Support Payment

Ua faanatinati nei ona talanoa le tulafono faaofi I le palemene faatatau I le Resurgence Support Payment, poo le fesoasoani mo pisinisi e aafia ona o le suiga o laasaga o lapataiga poo alert levels ua tatou iai nei

O le masina o Tesema na faaofi ai le suiga o le agavaa o pisinisi mo lenei fesoasoani, pe afai ua aafia tupe maua I le 30% ua pau ai I totonu o le vaiaso e tasi ae le o le lua vaiaso

O lenei fesoasoani o le a agavaa ai pisinisi ua aafia I le $1500 mo le pisinisi e tasi ma le $400 mo le tagata faigaluega e toatasi

O lea ua pasia le uluai faitauga o lenei pili e pei ona iai ile afiafi ananafi, ma o loo totoe ai isi ona faitauga faapea ai ma le oo atu I le komiti ae e le I aloaia lona faatulafonoina

Saunoa le minisita o tupe, Grant Robertson, o le aloaia o lenei tulafono faatatau I aafiaga o pisinisi pe a suia alert levels, o le a fua lava lea I le toe faaopoopo o aso o laasaga o loo tatou iai, poo se isi tala faigofie, o le a faamoemoe I le faasilasilaga ananei mai le tamaitai palemia Ma afai ae aloaia, o lea peimeni o le a tauaofia pe totogi mai ai ma le 3 aso lockdown lea o loo tatou iai I le taimi nei.

LAUILOA

Keep uptodate with Radio Samoa activity & promotion

* indicates required