Dr Ashley Bloomfield
Dr Ashley Bloomfield
Photo: Mark Mitchell

Taitaisese e le faatonusili le komiti filifilia a le Palemene

O lea ua faasao ma faatoese le faatonusili o le soifua maloloina I lona taitaiseseina o le komiti filifilia a le Palemene

O le Aso Lulu o le vaiaso talu ai na faailoa ai e le faatonu, Dr Ashley Bloomfield e na te le I fesootai I sui o le matagaluega o le va I fafo faatatau I le gasegase tigaina mai Fiti, poo le tagata faigaluega mo Malo Aufaatasi lea na siimai mai iinei ona o le Koviti

Peitai o lea ua toe tusi Bloomfield agai I le Komiti o lea sa iai feau tusitusia na fesootai ai ma le failautusi o le va I fafo faatatau I le gasegase lea mai Fiti, ma i lana faamatalaga na galo ia te ia I le taimi na fesiligia ai

I le maea faatoese o le faatonusili ua faailoa e lana minisita, Andrew Little o loo tumau lava lona faatuatuaga ia Bloomfield, ma o le aso o le a feiloai ai e talanoa feau tusitusia nei

Ae mai le sooupu o le Koviti a le itu agai, Chris Bishop o le National, e tatau ia Bloomfield ona faamalamalama poo le a tele o le aafia o le sa avea ma palemia o Niu Sila, Helen Clark I nei faatalanoaga uma

I feau tusitusia ua faailoa o talanoaga I le va o le faatonusili ma le matagaluega a le va I fafo, e foliga mai ai e ese foi le ata o loo vali mai ai

Finau mai ai Bishop, tatau I le faatonusili ona tulai I luma o le komiti I le vaiaso nei e faamatala auiliili lenei mataupu

Ae mai ia David Seymour o le ACT, foliga mai e tele isi mea ua galo I le faatonusili

O le siigama’i ua toe gagana ai nisi o fomai sinia o loo galulue mo togafitiga, e le I mananao e aumai e togafitia iinei lea gasegase peitai na toe sui mai luga le faaiuga

O loo faataotolia tigaina pea I le falemai I Middlemore lea gasegase

Share on facebook
Share on twitter
Share on email
Share on whatsapp

Keep uptodate with Radio Samoa activity & promotion

* indicates required