O le Sui Palemia o Niu Sila ma o le minisita foi o le va i fafo a lea atunuu, Winston Peters o le a aga’i atu nei i le Pasefika ma ta’ita’i atu se aumalaga mai le Palemene a Niu Sila.
O le faigamalaga ua faailoa o le a tuua Niu Sila i le aso a taeao ma o le a afea ai le malo o Tonga, Hawaii faapea Vanuatu.
Fai mai Peters o le mafutaga ma le ta’utinoga a Niu Sila i le Pasefika e mo se taimi umi ma o le ala foi lea o le asiasiga mo le faafouina o sootaga ma faamautū le galulue faatasi ma ana paaga.
O le aso 17 o le masina nei e toe taliu ane ai le faigamalaga.
Puna o Faamatalaga: https://www.rnz.co.nz/international/pacific-news/557643/winston-peters-leads-delegation-to-tonga-vanuatu-and-hawai-i
