Ua tuua a’oga uma i le atunuu mo tuuaga o aso fiafia o le kelisimasi ma le tausaga fou, ma o se tuuaga fiafia i fanau a le afio’aga o Gagaifolevao i Lefaga ona ua faaulufale le falea’oga tulagalua muamua o le nuu i le tuana’i o tausaga e tele o a’ooga fanau a Gagaifolevao i le falea’oga sa falelua ai ma le afio’aga o Matautu i Lefaga.
O Novema o le tausaga e 2022 na amata ai ona faatino le galuega amata mai i le faamamāina o le fanua ua fausia ai le falea’oga.
Sosoo ai ma sa’iliga seleni auā sa tagiilima le fausia o le galuega sa tofu sao iai le nuu aemaise o mafutaga a tamafanau a le afio’aga i Niu Sila, Ausetalia, ma Amerika.
E oo lava i fanau a Gagaifolevao o loo galulue i galuega faavaitaimi, faapea ekalesia a le nuu, o faletua ma tausi, o ‘aumaga ma taulele’a sa togi uma a latou maa i le galuega.
O le tau e tasi tesimale tasi miliona tala.
Le susuga Su’a Tanielu Su’a i le tala otooto o le galuega, ae o le Minisita o A’oga ma Aganuu o le sui lea o le malo sa saunoa i le tatalaina o le falea’oga tulagalua fou o Gagaifolevao.
Se vaega o le saunoaga a le Minisita o A’oga ma Aganuu, afioga Aiono Alec Ekeroma i le faaulufaleina o le ulua’i falea’oga tulagalua ua mae’a fausia o le afio’aga o Gagaifolevao i Lefaga.
