Search
Hospital

Tagata Pasefika e telē atu le avanoa e faataotolia ai ile falemai ona ole koviti 19

O se lipoti o loo lomia ile upega tafailagi a le leitio Pasefika a Niu Sila , RNZ Pacific o loo faailoa ai faamatalaga mai se lomiga lata mai nei a le NZ Medical Journal ua faialoa ai o tagata Pasefika e aupito I tele atu le avanoa e faataotolia ai ile falemai mai le vairusi ole koviti 19 nai lo isi tagata, sosoo atu ai ma tagata Maoli. 

O lea tusitusiga ua faia e fua agai I faamatalaga oloo faamauina mai ia Setema 2020 ini suesuega sa faia. O loo faailoa ai o e na aafia I le masina o Aukuso ole tausaga na tea nei , o se vaega tele o I latou ia e mai le Pasefika ma Maoli. 

O loo faailoa ai ma finagalo o nisi o I latou o loo galulue I le matafaioi tau le soifua maloloina ma faailoa ai e le o matuai lelei le auaunaga tau le soifua maloloina o loo faatino mot agata Maoli ma le Pasefika.

O loo faailoa ai foi le lelei o nisi o taumafaiga a komiiuniti I le faaoo atu o feau tau le soifua maloloina I tagata mae matuai taua le faailoa I tagata o avanoa o loo matala mai mo latou I le auaunaga tau soifua maloloina.

O se tasi o itu o loo taua ile lipoti e mafua ai le numera tele o tagata pasefika e faaono faataotolia I le maota gasegase ona o le koviti, o le mataupu e faatatau I le tulaga o fale o loo aumau ai atoa ai ma lo latou avanoa e silafia ai auaunaga tau le soifua maloloina e mafai ona faaaoga. 

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required