Fai mai leoleo o se aiga mai Magele na semanu e aafia ini manuaga tuga I le po anapo ina ua tafana atu e se tasi lo latou fale. O le te’a ole afa ole 11 ile po anapo na maua ai lipoti ile mataupu lea, fai mai na faalogoina le pa pa o fana ma le agai saosaoa eseese o se taavale mai lea nofoaga ile fale i Yates Rd.

O loo taua i tala a le One News sa iai tamaiti I totonu o le fale ma ole itu lea e faafetai ai ona e lei iai se tasi na aafia I lenei faalavelave pei ona faailoa e leoleo. E talitonu leoleo e iai se sootaga olenei mataupu i kegi ma ua sese le tuatusi ua agai iai osofaiga  a i latou ia mae leai ni sootaga o si aiga lea ini kegi.

Taua e leoleo o loo o latou matuai mataituina lenei faalavelave ma o le aso o loo faia ai a latou suesuega ina ia sailia I latou na faatinoina lea tulaga.Ua talosagaina foi nisi e silafia ni faamatalaga I lenei faalavelave ina ia fesootai ane I leoleo pe valaau I le 105 poo le Crimestoppers.

E foliga ua sa’o ai leisi upu a le atunuu ua lavea fua foaga e lei fai misa.