O se fale e talitonuina na agai iai fuafuaga a le taavale lea na agai ane i le faaitu o Guildford i le po anapo ma tafana ai lea fale i le itu i Sisifo o Sini.

Fai mai le lipoti a leoleo e talitonuia poo le tea o le ‘afa o le 9 na tupu ai le faalavelave lea na sao atu ai le isi pulufana i le pa pito i luma o le fale lea i Guildford.

Na ta’ua foi e leoleo o loo latou suesueina se taavale na mu i le pe ā ma le 10 minute mai le fale lea ma ua talosagaina nisi e silafia ni faamatalaga i lenei mataupu ina ia fesoasoani ai i le sailia o i latou o loo fiafia pea e fai lenei amio o le faatupu o vesiga ma faalavelave i pitonuu o Sini.