Taavalevale se loli i le Northwestern motorway, o le mafuaaga lea o le poloka o le alatele i le taeao.  O le faalavelave na tupu lata i Lincoln Rd i le off ramp i Te Atatu. 

Fai mai lipoti o le tolu o laina i luga o le motorway i le agai lea i Saute o loo poloka e pei ona faamaonia mai e le Waka Kotahi NZ Transport Agency. Ua faailoa mai i lipoti e to’atasi ua faamanu’alia ai i lea faalavelave ae lē tigaina tele. 

Ua iai sā ua faatulaga e leoleo i luga o le motorway ma fautuaina foi avetaavale ia ‘alofia lea itu o le alatele mo le taimi nei a o faagasolo ai foi le tiute o leoleo i le su’esu’eina o le faalavelave.