O le afiafi nei o le a faatautaia ai le taaloga mulimuli a le ‘au a le Junior Manu Samoa i le taamilosaga o le Oceania Rugby Under20 Challenge o lenei tausaga, ma o le a taaalo ai ma le ‘au a Fiti.  

O le po anapo na faataunuuina ai le tufatufaina atu o jersey poo ofu taalo mo tama taaalo, ma na mafai ona tauaaoina atu nei ofu taalo mo sui o le ‘au, e le afioga i le alii Minisita o le Matagaluega o Puna’oa Falenatura ma le Siosiomaga (MNRE), Afioga Toeolesulusulu Cedric Schuster.  

Mo le silafia ua mae’a taaloga e lua a le ‘au laiti a le Manu Samoa, ma na malolo le ‘au a le atunuu i le la taaloga ma le ‘au Under20s a le Moana Pasifika ae na manumalo Samoa i le ‘au a Tonga i le vaiaso na tea nei.