O vaega’au a Suria o loo tumau pea lo latou faaaloalogia o le faigāmalo fou ua fetaui ma nisi o totoe mai le aulagolago ma vaega’au a le ta’ita’i sa iai o le atunuu o Bashir Al Assad, ma ua o latou auai ai foi i fetaua’iga o loo faia i Damascus poo Tamaseko.
A itiiti mai pe to’a 13 fitafita ua maliliu i nei vesiga i le itumalo o Latvia e latalata i le vaega o loo iai le nofoaga autū o vaega’au a Lusia pei ona faailoa e le State TV.
O loo faia pea vesiga i gataifale o le atunuu ma ua ta’ua foi o se vaega tele o vaega’au a le militeli ua aga’i atu i le aai o Jableh ae o le po anapo na lipotia mai ai le fasiotia e vaega’au a le malo o le tusa ma le 70 o sui o le isi vaega tetee atoa ai ma le to’a 25 na pu’eina.
Fai mai isi lipoti e to’a 28 vaega’au a Assad na fasiotia ai i lea osofa’iga ma ua faaaogā ane helicopters e faia ai osofa’iga.
Puna o Faamatalaga: https://www.bbc.com/news/articles/cdrxkm2evnlo
