Ua iai suiga vave ua faia e le malo faasaga i visa faigaluega ua ta’ua o Accredited Employer Work Visa, ma le naunautaiga ia puipuia ai tagata faigaluega o loo sue mai atunuu mamao faapea le mautinoa o loo lelei ona taofiofi le fuainumera o tagata omai.

O le tausaga talu ai e lata i le 173,000 le aofai o tagata e lē o ni tagata sitiseni mai atunuu mamao na omai i Niu Sila.

O suiga fou nei ua fai mai le malo o le a faapipii iai le tatau ona iai taiala e ausia i le gagana Igilisi mo tagata o loo faatalosaga mo galuega e maualalo agavaa o loo moomia ai.

E iai foi galuega tau konekarate o le a lē toe iai i lalo o le lisi o avanoa faigaluega nei e agavaa i le visa ua ta’ua, ona e lē o tele se manaomia.

Na saunoa le minisita o femalagaa’iga, Erica Stanford, e tāua i le malo le lelei ona faatulaga o femalagaa’iga a o toe tau faatulai mai ai le tamaoaiga o Niu Sila.

Na faamautinoa mai foi e le minisita o loo tumau pea le taulai o le malo e faatumau le saili mai o tagata faigaluega e maualuluga agavaa e pei o faiaoga mo kolisi maualuluga, poo galuega nei o loo tau su’e nisi peitai i le taimi lava foi e tasi, ia mautinoa o loo ave le faamuamua i le saili lava i totonu o Niu Sila.

O suiga vave ua faailoa mai, ua amata aloaia mai le asō, le aso 8 o Aperila.

Puna o Faamatalaga: Immigration changes to target ‘unsustainable’ migration (1news.co.nz)