O le a le tutusa taiala mo sauniga lotu o le laasaga o lapataiga lua o le a aloaia mai ananei ma le taimi ao le i sau le Delta
O le toe tasi le minute ananei I le 12 lea o le a see uma ai isi vaega o Niu Sila I le laasaga o lapataiga 2, ese ai Aukilani
O se tasi o suiga tele ua sau, o le suia mai le toaselau sa iai tagata lotu na faataga I le laasaga o lapataiga 2 na iai muamua ma le 50 lea o le a faatapulaa ai
I faasalalauga o loo iai nei I luga o upega tafailagi a le Covid-19, o loo taua ai e mafai ona faia sauniga lotu I totonu o fale faagata mai I le 50 tagata, ae a fai I fafo ona gata lea I le toaselau
O fautuaga foi mo nofoaga o le a faia ai sauniga lotu, e tatau ona iai ni faamaumauga e iloa ai tagata na faatasia I tapuaiga I Aso Sa taitasi
E oo lava foi I le nonofo I totonu o malumalu e tatau ona tausi le 2 mita, ma o loo taua ai foi le faia o sauniga lotu online ina ia tau foia ai le faatasitasi o tagata
O loo fautuaina foi tagata lotu ia agai sao I aiga pe a uma sauniga ae le o le toe faatasitasi, faamalosia le tatau ona laeiina ufi fofoga atoa ai ma le unaia o le faia o foai e leai se fesootaiga ma le tasi poo le contactless donations na I lo le aoina o foai, poo sene, poo taulaga foi lea o loo aoina I totonu o ato e pei ona masani ai
