Ua faatalanoa e le malo suiga o le faaitiitia o taimi e faia ai pepa o taavale mo taavale ma pasika nei ua tuai tausaga, faapea ai ma motorhomes poo taavale ua fau iai ma potu e mālōlō ai.
O suiga nei o le tulafono o le a lē toe moomia ai le tatau ona faia o warrants of fitness faapea certificate of fitness ta’i 6 masina ae o le a sui i le ta’i tausaga ma faato’ā fai.
O taavale tuai uma foi ua ta’ua e agavaa pe a faapea ua silia ma le 40 tausaga le matutua.
O faamaumauga o loo iloa ai e maualuga atu le avanoa o le pasia o taavale nei na i lo isi taavale ma ua faamaonia foi e le minisita o fela’ua’iga, Chris Bishop e tusa ma le 128,000 taavale e agavaa ma le 39,000 o motorhomes e umia sa’oloto.
O se suiga foi ua loa tausaga o faatalosaga e tagata nei le fesoasaoani a le malo, ma o le mea moni o le tele o taavale nei e seāseā feoa’i.
O loo talileleia e le New Zealand Automobile Association lenei fuafuaga.
O le aso 24 o le masina lenei se’ia oo atu i le aso 4 o Aperila e tatala mai ai le avanoa i tagata lautele mo finagalo faaalia, ma o loo faia uma lea i luga o le upega tafa’ilagi a le NZTA.
Puna o Faamatalaga: Major warrant of fitness, CoF change proposed for some vehicles
