Ua iai fuafuaga a le malo o Niu Sila ia toe suia visa malaga mo tagata inivesi e fia o mai e inivesi i le tamaoaiga o le atunuu.
O suiga nei i le Active Investor Plus visa o le a maua ai avanoa nofomau mo tagata maumea o loo fia o mai e inivesi i le tamaoaiga o Niu Sila.
I lalo o tulafono o loo iai nei, soo se tasi e faatalosaga i visa nei e tatau ona ia umia le $15 miliona poo nisi lava foi o aseta, peitai amata mai le aso muamua o Aperila o lea o le a iai suiga faaopoopo.
E lua vaega o le a vaevaeina iai, ma o nei vaega e lua e lē gata o le a faatapulaa le tupe inivesi ae o le piriota e tatau ona faamaonia.
Fai mai le minisita o Economic Growth, Nicola Willis, e tāua inivesi nei e maua ai galuega mo tagata Kiwi.
Ae mai le sooupu i le vaega o Immigration a le Labour, Phil Twyford, e lē o se suiga lelei mo le tamaoaiga, auā o le to’atele o tagata nei o lea e o mai e faatau fale ma e lē tele ni galuega e maua mai ai.
Puna o Faamatalaga: Government announces plan to adjust migrant investor visa settings
