Ua faailoga nei Indonesia ma Fiti e Niu Sila, o nofoaga ua matuai maualuluga le tulaga lamatia o iai I le Koviti, ma o lea ua sau ai ma aiaiga

Amata atu I le toe tasi le minute I le 12 taimi Niu Sila I le po o le Aso Sa nei, 15 o Aukuso, o le a talia na o tagata sitiseni Niu Sila toe foi mai, paaga ma fanau

O le suiga lea mai le malo na faailoa e le minisita o le Koviti ananafi, Chris Hipkins, ma o I latou uma o le a taunuu mai, o le a agai sao I nofoaga faanofoesea mo le 14 aso

Pau le eseesega o Fiti ma Indonesia, o tagata sitiseni Niu Sila foi mai Indonesia o loo momia le tatau ona sau ma le siaki e negative o le Koviti na faia I totonu o le 72 tausaga a’o lei faimalaga mai

Ae mo Fiti, o loo mafai ona omai e aunoa ma le tau faia o ni siaki

Ese mai ia Fiti ma Indonesia, o lea foi o loo pipii I le lisi a Niu Sila, Pakistan, Papua Niu Kini, Initia ma Brazil

Ese mai I pasese nei, o loo tatala pea e Niu Sila le avanoa I pasese e ui mai ma faatalitali I le malaevaalele pe transit iinei faatoa toe faaauau atu ai faigamalaga I isi vaega o le lalolagi